Su Sardu scabudau

Con questo articolo RossoMori vuole aprire un dibattito/discussione sullo stato di salute della lingua sarda. Chi interessato alle problematiche linguistiche può inviare alla mail dei RossoMori Questo indirizzo email è protetto dagli spambots. È necessario abilitare JavaScript per vederlo..

Tutti gli articoli saranno pubblicati.

Apriamo con un articolo di Oreste Pili di Capoterra.

PO COMINTZARE In s’artìculu bessiu in s’Unioni su 24 de custu mesi, eus lìgiu ca ispetoris calaus de Bruxelles ant straullau s’Itàlia po no ai postu a caminai is leis chi amaparat su sardu e àteras minorias linguìsticas. Imoi, tocat a nai ca, sena de abetai a movi s’Itàlia, sa Regioni, aundi nosu Rossomori seus guvernendi, podit – e depit– fai meda de prus apitzus de sa lìngua nosta. Po imoi mi bollu stentai a arremonai – forsis a manera tropu impressia – cincu chistionis.

  1. Sa Regioni si depit destinai de nd’achipi su Sardu Standard, chi no podit essi s’apartheid linguìstica de sa LSC ditzidia in d-una Giunta ma, po contras, depit essi Totu su Sardu (fatu de su Campidanesu e de su Logudoresu) e tocat chi siat avotau de su Consillu.
  2. Sa Regioni ndi depit bogai a pillu sa manera de donai forma a is maistus de sa lìngua sarda, e duncas a s’Universidadi de sardìstica.
  3. Su Proveditorau depit bessiri sardu e a duas lìnguas. Duncas su Provedidori depit essi nomenau de sa Regioni.
  4. 4 Sa Regioni no podit essi prus fata de Consilleris chi fueddant sceti in italianu. Oi est ancora aici, a parti unus cantu consilleris chi ndi parint aproillaus prus po gràtzia de Deus ca po seberu de su pòpulu. Su Presidenti atotu depit essi su Presidenti de totus is Sardus, de is Sardus chi fueddant in sardu e de is chi fueddant in italianu, duncas depit fueddai ambaduas is lìnguas. E insandus tocat a torrai a castiai sa lei eletorali.
  5. 5 Sa Regioni ndi depit bogai a pillu sa manera de amparai puru e diaderus is àteras minorias linguìsticas de Sardìnnia, su Cadelanu, su Gadduresu, su Tabarchinu e su Tataresu. Cumprendu ca is cincu chistionis iant a depi essi tocadas cun prus pagu pressi. Imprùs sa chistioni de su Sardu no est totu innoi. Nci at cosa meda de nai ancora e speru de ddoi torrai. Ma in s’interis Rossomori depit inghitzai a fai a cumprendi a su Consillu e a sa Giunta, ca tocat a ponni in Balantzu po s’annu chi benit totu su dinai chi serbit po fai caminai is cincu chistionis. Calincunu at a nai ca su dinai est tropu? E cantu ballit sa lìngua nosta po nosu sardus?

29/06/2016

ORESTE PILI

Comunicato stampa Lingua Lingua Sarda Rossomori